小弟用的DC算是經常更換款式，不過大多數是二手換二手。近排又換o左部新新地o既野o黎玩，就係Nikon P5100。其實享Nikon出P5000 o個o時已經開始留意P系列，作為一部Prosumer機仔，佢又真係細得o黎好可愛，仲有埋Nikon的防手震VR功能，有留心o既人都是Nikon的VR的防手震效能算係好出色，享細機度都有一定o既幫助，今次仲入埋支細閃SB-400，試試細機細閃又點好。其他功能相信享DPreview等網站都會找到，等我用令一個角度去解釋一下點解要選擇P5100。

外表

外觀上第一個感覺係好細部。放在掌心也不會覺得大，雙手手持有一個不錯o既平衡，即刻單手手持亦覺得舒服。

對這是一部Prosumer的數碼相機，但它的小得可以比我放進牛記褲袋，我穿的是Levi's Slim Cut牛記，個袋子仲要係好細個。一般褲子一定大把位淨。

SB-400的肉照，操作鍵簡單得很，只有開關鍵，其他的只是充電準備燈及Hot shoe lock。

裝上SB-400，非常「襯」﹗

SB-400呢支燈仔我最喜愛o既地方就係有得調較燈膽向上打Bounce，唔好睇少呢個功能，向住天花板打Bounce flash雖然唔係乜野高難度，但真接改善相片質素o既功能。

相片質素

一般來說，在室內及光線充足o既環境中，呢部Nikon P5100都交出好顏色，對焦亦很迅速。圖片質素很高。

廣角照片

望遠照片

從某些照片看得出Nikon P5100拍的照片的動態範圍算是大。一般情況照片內的光暗兩部份都有足夠細節，我想這部是Prosumer機，質素比一般機仔好是應該o既。

在光暗分野頗為極端o既照片亦有不錯表現。

Nikon P5100在夜間拍攝的表現也算是不錯，主要有VR幫手，拍攝帶光源的建築物時手持相片也有清晰，ISO亦在大部份時間維持在ISO400或以下，雜訊未算是明顯。機身雖然細小，手持起上o黎都十分穩定。

爆光準確對於Nikon呢o的大廠來說已經是易如反掌(反而我另一部Fujifilm F20就時不時有爆光錯誤o既情況發生，爆光準確看似是容易，其實並不是與生俱來的。)

裝o左SB-400，室內向白天花打Bounce，光源比直打好很多。

環境狹窄，向白色東西打埋去，一切都搞掂﹗

生活感受

細，其實除了攜帶方便外，仲有好多好處，其中一樣就係你日光日白拎部機出o黎影相，如果用DSLR o既話唔多唔少都會吸引唔少目光，o的人有會想睇下你影o的乜。但我用呢部機仔行街等巴士o個時拎出o黎影相，o的人只不過會當你係一般自遊行，唔會點o黎，感覺舒服得多。

對我來說，活在香港呢個石屎森林，相機用得最多o既時間就係三五知己共聚o既約會中，呢o的約會往往都在室內進行。餐廳、Club及保齡球館等都是光源不足的地方。呢個時候用P5100拍攝合照，花絮照等就十分就手。其VR功能實在幾有用。

我和朋友正在寫賀卡比在外地留學的朋友。

相片在Pizza Hut影，光線不是很足夠，但相片質素也很乾淨很清晰。

後話

總括來說，Nikon這部Coolpix比之前的好得多，雖然仲有很多可以改善的地方，例如速度反應，廣角拍攝等等，但呢個價位已經係抵玩之作。Nikon P5100 o既可愛之處，就係無人知你部機仔係好野，翻到屋企互傳相片時，你的朋友會發覺你拍的照片比佢o地o既"真機仔"拍的照片好得多。